Վերականգնվել է Հայաստանի գազամատակարարումը
11:11, 27 Օգոստոս 2014
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Վթարավերականգնողական աշխատանքների կատարման արդյունքում այսօր՝ օգոստոսի 27-ին` առավոտյան ժամը 10:45-ից, վերսկսվել է Հյուսիսային Կովկաս-Անդրկովկաս մայրուղային գազատարով Հայաստան մուտք գործող բնական գազի մատակարարումը: Այս մասին «Արմենպրես»-ին տեղեկացրին «Գազպրոմ Արմենիա» ՓԲԸ-ից:
Վրաստանի տարածքում մայրուղային գազատարի վրա վթարավերականգնողական աշխատանքներ իրականացնելու նպատակով օգոստոսի 27-ին` առավոտյան ժամը 05:00-ից, ժամանակավորապես դադարեցվել էր Հայաստան բնական գազի մատակարարումը:
Բաժանորդագրվեք մեր ալիքին Telegram-ում