Ճապոնացի խայտառակված հիստերիկ պատգամավորը պաշտոնաթողություն Է խնդրել
ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Ճապոնիայի Հյոգոյի պրեֆեկտուրայի օրենսդիր ժողովի պատգամավոր Ռյուտարո Նոնոմուրան, որը հաշված օրերում Համացանցի աստղ Է դարձել այն հիստերիկայի շնորհիվ, որը նա սարքել Էր, երբ իրեն մերկացրել Էին կոռուպցիայի մեջ, պաշտոնաթողության խնդրագիր Է տվել:
Ամենայն հավանականությամբ, նրան հարկադրել Է այս քայլին դիմելու այն աննախադեպ ճնշումը, որը գործադրում են Ճապոնիայի զանգվածային լրատվամիջոցները եւ պրեֆեկտուրայի բնակիչները:
Ուշագրավ Է, որ անձնական ժամանցային ուղեւորությունների վրա պատգամավորի ոչ նպատակային ծախսերի հետաքննության ընթացքում, ուղեւորություններ, որոնք Նոնոմուրան ներկայացրել Է աշխատանքայինների տեղ, բացահայտվել են հարկատուների միջոցներով մեքենայությունների այլ փաստեր: Հայտնի Է դարձել, որ բացի այն 3 միլիոն իենից (շուրջ 30 հազար դոլար), որը պատգամավորը ծախսել Է ջերմուկներ կատարած ուղեւորությունների վրա, եւս 1,75 միլիոն իեն (շուրջ 17,5 հազար դոլար) օրենսդիր ժողովի անդամը ծախսել Է հազվագյուտ նամականիշերի ձեռքբերման վրա:
Ավելի վաղ Նոնոմուրան հայտարարել Է, թե նյարդային խանգարման եզրին Է ստեղծված իրադրոության պատճառով: «Ես պատասխանել եմ բոլոր հարցերին, այլեւս ասելու բան չկա,- նշել Է Նոնոմուրան:- Ես վախենում եմ, որ կհայտնվեմ անելանելի դրության մեջ, կդադարեմ ինձ վերահսկելուց եւ ինքնասպանությամբ վերջ կտամ կյանքիս»: Իր մեղքը Նոնոմուրան այդպես Էլ չի ընդունել՝ պնդելով, թե «հասարակությունն իրեն պարզապես չի հասկացել», հաղորդել Է ԻՏԱՌ-ՏԱՍՍ-ը:
Բաժանորդագրվեք մեր ալիքին Telegram-ում