Սպիտակ տունը մեկնաբանել է Էրդողանի հետզրույցի ժամանակ Օբամայի մականով լինելը

ԵՐԵՎԱՆ, 3 ՕԳՈՍՏՈՍի, ԱՐՄԵՆՊՐԵՍ: ԱՄՆ-ի Սպիտակ տան ազգային անվտանգության խորհրդի փոխխոսնակ Քեթլին Հեյդնը մեկնաբանել է Թուրքիայում քննարկումների թեմա դարձած` այդ երկրի վարչապետ Ռեջեփ Թայիփ Էրդողանի հետ հեռախոսազրույցի ժամանակ արված լուսանկարում ԱՄՆ-ի նախագահ Բարաք Օբամայի ձեռքում բեյսբոլի մական լինելու պահը:

Ինչպես հաղորդում է «Արմենպրես»-ը` վկայակոչելով HaberTurk հեռուստաալիքը, Հեյդնը լրագրողներին ասել է, որ «այդ լուսանկարը հրապարակել են միայն այն նպատակով, որպեսզի ցույց տան, որ նախագահ Օբաման լավ հարաբերություններ ունի Էրդողանի հետ եւ Սիրիայի հարցում կարեւորում է Թուրքիայի հետ համագործակցությունը»: Հեյդնը նշել է, որ Օբամայի ձեռքում եղած բեյսբոլի մականը եղել է ամերիկացի հայտնի մարզիկ Հենկ Աարոնի ստորագրությամբ:

Տարօրինակ է, որ Էրդողանի հետ լավ հարաբերութունների մեջ գտնվելով հանդերձ, Օբաման, այնուամենայնիվ, հեռախոսազրույցի ամբողջ ընթացքում ձեռքից բաց չի թողել բեսբոլի մականը: Երեւի առաջնորդվել է` «Էրդողանի հետ խոսիր, բայց մահակը ձեռքիցդ մի թող» կարգախոսով:-