368.18
Արաբական լրատվամիջոցները մեղադրել են Օբամային Սիրիայի ընդդիմությանն օժանդակելու մեջ
1 րոպեի ընթերցում
ԵՐԵՎԱՆ, 2 ՕԳՈՍՏՈՍ, ԱՐՄԵՆՊՐԵՍ: Արաբական լրատվամիջոցները գաղտնազերծել են, որ ԱՄՆ-ի նախագահ Բարաք Օբաման գաղտնի հրաման է ստորագրել, որի համաձայն` թույլատրել է աջակցել Բաշար ալ Ասադի իշխանությունը տապալել ցանկացող Սիրիայի ընդդիմությանը:Ինչպես հաղորդում է «Արմենպրես»-ը` վկայակոչելով արաբական լրատվամիջոցները, ստորագրված փաստաթղթի համաձայն` ամերիկյան հատուկ ծառայությունները կարող են օգնել ընդդիմադիրներին:
ԱՄՆ-ն ընդդիմությանը դեռեւս զենք չի մատակարարում, ինչպես դա կատարում են նրա համախոհները` Թուրքիան, Քաթարը եւ Սաուդյան Արաբիան:
Տեղեկություններ կան այն մասին, որ այս երկրները գաղտնի բազա են ստեղծել Սիրիայի սահմանի մոտ` բացահայտ օգնություն ցույց տալով Ասադի հակառակորդներին:Ամերիկացի սենատորներ Ջոն Մաքքեյնը եւ Լինդսի Գրեմը քննադատել են Օբամային` սիրիական ընդդիմադիրներին օժանդակելու անվճռական քայլերի համար: Մյուսները կոչ են արել զգուշանալ, քանի որ ընդդիմադիրների շարքում «Ալ Քաիդա»-ի եւ այլ զինված խմբավորումների անդամներ եւս կան:
Բաժանորդագրվեք մեր ալիքին Telegram-ում