Անկարայում ենթասպան ընտանիքի անդամների հետ տանը հայտնաբերվել է սպանված

ԱՆԿԱՐԱ, 22 ՓԵՏՐՎԱՐԻ, ԱՐՄԵՆՊՐԵՍ: Անկարայում Թուրքիայի զինված ուժերի 39-ամյա ենթասպա Բյուլենթ Աքսունգուրը, նրա 35-ամյա կինը եւ 15-ամյա եւ 13-ամյա երկու երեխաները սեփական բնակարանում հայտնաբերվել են մահացած:

Ինչպես հաղորդում է «Արմենպրես»-ը, ծառայակիցներից ահազանգ ստանալով, որ բնակիչները չեն արձագանքում, ոստիկանության աշխատակիցները պատշգամբից մտել են տուն եւ հայտնաբերել, որ Աքսունգուր ընտանիքի բոլոր անդամները սպանվել են հրազենով: Ենթադրվում է, որ հոգեկան հավասարակշռությունը կորցնելու արդյունքում ենթասպան ցնորվել, սպանել է իր ընտանիքի անդամներին, հետո` իրեն: