Պայթյուններ Հոմսում

ԴԱՄԱՍԿՈՍ, 22 ՓԵՏՐՎԱՐԻ, ԱՐՄԵՆՊՐԵՍ: Սիրիայի Հոմս քաղաքի մոտակայքում Մարյամի եւ աշ Շինիե գյուղերի միջեւ ավտոճանապարհին ահաբեկչական խմբի կողմից իրականացված պայթյունի հետեւանքով վնասվել է ընթացող ուղեւորատար ավտոբուսը: Բարեբախտաբար, զոհեր չեն գրանցվել:

Ինչպես հաղորդում է «Արմենպրես»-ը` վկայակոչելով արաբական sana.sy -ը, անվտանգության աշխատակիցների դեպքի վայր ժամանելուն պես տեղի է ունեցել 2-րդ պայթյունը, որի արդյունքում զոհվել է ոստիկանության աշխատակից, եւս 3 մարդ վիրավորվել են:

Համայի շրջանի Սորան գյուղում սեփական տան մոտ ահաբեկիչներն առեւանգել են Սիրիայի բանակի սպա Մահմուդ Իդին: