ՏՈԿԻՈ, 22 ՓԵՏՐՎԱՐԻ, ԱՐՄԵՆՊՐԵՍ: Ճապոնիայի կառավարությունը պլանավորում Է թողարկել սահմանափակ քանակով ոսկե եւ արծաթե հուշադրամներ ի պատիվ այն ավերիչ երկրաշարժի եւ ցունամիի տարելիցի, որոնք անցյալ տարվա մարտին մոլեգնեցին Ճապոնիայի Հոնսյու գլխավոր կղզու հյուսիսարեւելյան ափին, հաղորդում Է «Արմենպրես»-ը՝ վկայակոչելով NHK հեռուստաալիքը: 

Ճապոնիայի ֆինանսների նախարարության պլանների համաձայն՝ մետաղադրամները կհանձնվեն այն անհատ ներդրողներին, ովքեր գնել են եւ կգնեն պետական արժեթղթեր (դրանց վաճառքից եկամուտն ուղղորդվում Է անմիջականորեն տուժած տարածաշրջանի վերականգման հիմնադրամ): Նրանք, ում բաժինն ապրիլի 15-ի դրությամբ կկազմի ավելի քան 10 միլիոն իեն (շուրջ 128 հազար դոլար), նվեր կստանանա ոսկեդրամ: Արծաթե դրամ կհանձնվի այն անհատ ներդրողներին, ովքեր գնել են ավելի քան 1 միլիոն իեն (շուրջ 12,8 հազար դոլար) գումարի արժեթղթեր:    

Բացի դրանից, կառավարությունը նաեւ պլանավորում Է մետաղադրամների մի մասն առանձնացնել բաց վաճառքի համար:

Դիտվել է 193 անգամ