ԹԵԼ ԱՎԻՎ, 21 ՓԵՏՐՎԱՐԻ, ԱՐՄԵՆՊՐԵՍ: Իսրայելում անցկացված հարցումները ցույց են տվել, որ Թուրքայի եւ այդ երկրի միջեւ վերջին շրջանում ծագած քաղաքական ճգնաժամն ազդել է նաեւ զբոսաշրջության ոլորտի վրա:

Ինչպես հաղորդում է «Արմենպրես»-ը` վկայակոչելով «Անկարա» լրատվական գործակալությունը, հարցվածների 77 տոկոսը հայտնել է, որ անգամ անվճար չեն ցանկանում իրենց հանգիստն անցկացնել Թուրքիայում:

Իսրայելյան Yedioth Ahronoth թերթի համաձայն` հունվարին անցկացված հարցումներով` նախկինում Թուրքիան իրենց համար ամենալավ հանգստավայրը համարող իսրայելցիներն այժմ գերադասում են հեռու մնալ այդ երկիր այցելություններից: Թուրքիայում հանգստանալ չցանկացած իսրայելցիների մեջ գերակշռել են տղամարդիկ, երիտասարդները եւ աշխարհիկ հայացքներով անձինք:

Դիտվել է 67 անգամ