Անկարայում հրդեհի հետեւանքով խանութներ են մոխրացել

ԱՆԿԱՐԱ, 21 ՓԵՏՐՎԱՐԻ, ԱՐՄԵՆՊՐԵՍ: Անկարայի Ալթընաղա թաղամասում Չըքըչըքըր կոչված խանութների շարքում ծագած հրդեհի հետեւանքով 7 խանութներ մոխրացել են: Մեծ նյութական վնաս են կրել նաեւ հարեւան խանութները:

Ինչպես հաղորդում է «Արմենպրես»-ը` վկայակոչելով թուրքական TRT հեռուստաալիքը, հրդեհը ծագել է տեղական ժամանակով ժամը 02:30-ին: Հրշեջներին հաջողվել է կրակը մարել 3 ժամ հետո միայն: Զոհեր եւ վիրավորներ չկան: Հրդեհի ծագման պատճառը հայտնի չէ: