«Տանիքը փլվել է» Թուրքիայում արտահայտման ազատության գլխին

ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Թուրքական լրատվամիջոցները շարունակում են հեղեղված մնալ Ստամբուլում լույս տեսնող «Ակոս» թերթի հայազգի խմբագրապետ Հրանտ Դինքի հիշատակին նվիրված հրապարակումներով:Glendale News-Press-ը մեջբերել էHurriyet-ի սյունակագիր Դեյվիդ Ջադսոնի հոդվածը, որում նշված է, որ հազարավոր մարդիկ անցած ամիս դուրս էին եկել փողոցներ` հիշելու թուրքահայ լրագրող Հրանտ Դինքին, ով հինգ տարի առաջ (հունվարի 19-ին)սպանվեց ազգայնական դեռահասի կողմից: Փողոցներում հավաքված մարդկանց քանակը նաեւ փաստում եւ ապահովում էր այն դժգոհության մակարդակը, թե ինչպես է Թուրքիայում դիտարկվում մամուլը եւ դրա ազատությունը: Դեյվիդ Ջադսոնի գրել է. «Առանց հաշվի առնելու կառավարության ձեռքբերումները, կասեմ, որ տանիքը պարզապես փլվել է Թուրքիայումարտահայտման ազատության գլխին»:

«Լրագրողներ առանց սահմանների» կազմակերպությունը վերջերս հրապարակել է իր ամենամյա մամուլի ազատության ցուցիչը, որտեղ Թուրքիան 10-ով իր դիրքերը զիջել է` հասնելով աշխարհում148-րդին: Այն Թուրքիան դասել է այնպիսի երկրների շարքին, ինչպիսիք են Կոնգոն եւ Մալավին: