368.18
Թուրք նախարարը Հայոց ցեղասպանության իրողությունը չի պայմանավորում ԱՄՆ նախագահի ապրիլքսանչորսյան ելույթով
1 րոպեի ընթերցում
ԱՆԿԱՐԱ, 20 ՓԵՏՐՎԱՐԻ, ԱՐՄԵՆՊՐԵՍ: Թուրքիայի` Եվրամիության հարցերով նախարար եւ ԵՄ բանակցություններում գլխավոր բանագնաց Էգեմեն Բաղըշը Հայոց ցեղասպանության իրողությունը չի պայմանավորում ԱՄՆ նախագահների` այդ թվում ներկայիս նախագահ Բարաք Օբամայի ապրիլքսանչորսյան ելույթով:
Ինչպես հաղորդում է «Արմենպրես»-ը` վկայակոչելով «Անատոլու» լրատվական գործակալությունը, հեռուստատեսային մի հաղորդման ժամանակ, անդրադառնալով ԱՄՆ նախագահի առաջիկա ապրիլքսանչորսյան ավանդական ելույթին, Բաղըշն ասել է. «Եթե Օբաման ասի կամ չասի «ցեղասպանություն», ին՞չ կփոխվի: Ստացվում է, որ եթե նա ասի ցեղասպանություն, ապա դա ցեղասպանություն է, եթե չասի, ուրեմն ցեղասպանություն չէ՞»:
Թուրք նախարարը մեկ անգամ եւս կրկնել է ցեղասպանության հետ կապված Թուրքիայի ժխտողական պաշտոնական տեսակետը: Նա նշել է, որ Հայոց ցեղասպանության վերաբերյալ ամենախոշոր արխիվային փաստաթղթերը գտնվում են Բոստոնում` Հայ հեղափոխական դաշնակցության արխիվում, եւ այն կարող են ուսումնասիրել միայն հայերը:
Բաժանորդագրվեք մեր ալիքին Telegram-ում