367.38
Նեմրութի համար թուրքական երկու նահանգների միջեւ վեճը փոխադրվել է դատարան
1 րոպեի ընթերցում
ԱՆԿԱՐԱ, 14 ՓԵՏՐՎԱՐԻ, ԱՐՄԵՆՊՐԵՍ: Արեւմտյան Հայաստանի գեղատեսիլ վայրերից համարվող Նեմրութ սարի պատկանելության վերաբերյալ թուրքական Մալաթիա եւ Ադըյաման նահանգների միջեւ ամիսներ շարունակվող վեճը փոխադրվել է դատարան:
Ինչպես հաղորդում է «Արմենպրես»-ը` վկայակոչելով թուրքական TRT հեռուստաալիքը, երկու նահանգների միջեւ վեճն այն մասին, թե Նեմրութը որ նահանգին է պատկանում, կլուծի Թուրքիայի պետական դատական խորհուրդը (Դանըշթայ):
Մալաթիայի եւ Ադըյամանի միջեւ Նեմրութի շուրջ վեճը սկսվել է այն բանից հետո, երբ Թուրքիայի մշակույթի եւ զբոսաշրջության նախարարությունը որոշել է սարի` Մալաթիային հարող մասում զբոսաշրջային համալիր կառուցել: Այժմ այդ նահանգներից յուրաքանչյուրը ցանկանում է տիրանալ այդ նախագծին:
Նեմրութ սարը հայտնի է հայերի հեթանոսական շրջանին դասվող աստվածների հսկայական արձաններով:
Բաժանորդագրվեք մեր ալիքին Telegram-ում