ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Փետրվարի 13-16-ը Երեւան կայցելի Հայաստանի Հանրապետության եւ Բելառուսի Հանրապետության Ազգային ժողովների միջեւ համագործակցության միջխորհրդարանական հանձնաժողովի բելառուսական կողմի պատվիրակությունը` հանձնաժողովի համանախագահ, ԲՀ ԱԺ Ներկայացուցիչների պալատի փոխնախագահ Վիկտոր Գումինսկու գլխավորությամբ: Ինչպես «Արմենպրես»-ին տեղեկացրին ՀՀ ԱԺ մամուլի եւ հասարակայության հետ կապերի վարչությունից, պատվիրակության անդամները հանդիպումներ կունենան ՀՀ ԱԺ նախագահ Սամվել Նիկոյանի, ՀՀ ԱԺ փոխնախագահ Էդուարդ Շարմազանովի հետ:

Միջխորհրդարանական համագործակցության հանձնաժողովի նիստը տեղի կունենա փետրվարի 13-ին: Այցի շրջանակներում բելառուսական պատվիրակության անդամները հանդիպումներ կունենան միջազգային կառույցներում ՀՀ ԱԺ պատվիրակությունների, ինչպես նաեւ մի շարք գերատեսչությունների ղեկավարների հետ: Նրանք կայցելեն Ծիծեռնակաբերդի հուշահամալիր, ծաղկեպսակ կդնեն 1915 թ. Հայոց Ցեղասպանության զոհերի հիշատակը հավերժացնող հուշարձանին:

Դիտվել է 557 անգամ