Գարիկ Կարապետյանը դարձել է երիտասարդների ծանրամարտի աշխարհի առաջնության ոսկե մեդալակիր
1 րոպեի ընթերցում
![Գարիկ Կարապետյանը դարձել է երիտասարդների ծանրամարտի աշխարհի առաջնության ոսկե մեդալակիր](http://armenpress.am/resized/480/static/news/b/2023/11/1124733.jpg)
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ծանրամարտի հավաքականի անդամ Գարիկ Կարապետյանը դարձել է երիտասարդների աշխարհի առաջնության ոսկե մեդալակիր:
«Արմենպրես»-ի հաղորդմամբ` մեքսիկական Գվադալախարա քաղաքում ընթացող աշխարհի երիտասարդների առաջնության տղամարդկանց 102 կգ քաշային կարգում Կարապետյանը պոկում վարժություն գլխավերևում պահել է 175 կգ և դարձել փոքր ոսկե մեդալակիր: Հրում վարժությունում նա բարձրացրել է 203 կգ և նվաճել փոքր արծաթե մեդալ: Երկամարտի 378 կգ արդյունքով Գարիկ Կարապետյանը դարձել է երիտասարդների աշխարհի առաջնության չեմպիոն:
Ավելի վաղ երիտասարդների ԱԱ-ում ոսկե մեդալակիր էր դարձել Գոռ Սահակյանը և Ալեքսանդրա Գրիգորյանը: