2 წუთი კითხვის
სომხეთის პრემიერ-მინისტრმა ნიკოლ ფაშინიანმა ირანის ისლამური რესპუბლიკის ვიცე-პრეზიდენტის, სეიედ ჰამიდ ფურმოჰამადის ხელმძღვანელობით დელეგაცია მიიღო.
„არმენპრესის“ ცნობით, სომხეთის პრემიერ-მინისტრის აპარატში აცხადებენ, რომ ნიკოლ ფაშინიანი მიესალმა ირანის ვიცე-პრეზიდენტის ვიზიტს და ხაზი გაუსვა სომხეთ-ირანის მთავრობათაშორისი კომისიის ეფექტიან საქმიანობას.
სომხეთის პრემიერ-მინისტრმა აღნიშნა, რომ ორი ქვეყანა წარმატებით ახორციელებს ერთობლივ პროექტებს სხვადასხვა მიმართულებით და ხაზგასმით აღნიშნა, რომ ისინი ორმხრივი კავშირების განვითარებასა და გაფართოებას უწყობს ხელს.
სეიედ ჰამიდ ფურმოჰამადიმ პრემიერ-მინისტრ ფაშინიანს ირანის ისლამური რესპუბლიკის პრეზიდენტ მასუდ ფეზეშქიანის თბილი მოკითხვა გადასცა და სომხეთთან თანამშრომლობის გაღრმავების მნიშვნელობა აღნიშნა.
თანამოსაუბრეებმა განიხილეს სომხეთ-ირანის სასაზღვრო ინფრასტრუქტურის განვითარების, საგზაო მშენებლობის ერთობლივი პროექტების, აგრეთვე ენერგეტიკის, სოფლის მეურნეობისა და სხვა სფეროებში თანამშრომლობის საკითხები.
მოსაზრებები გაიცვალა ასევე რეგიონული საკომუნიკაციო გზების დებლოკირების პროცესებსა და მათი შედეგად შექმნილ შესაძლებლობებზე.
ირანის ვიცე-პრეზიდენტი სეიედ ჰამიდ ფურმოჰამადი სომხეთში სომხეთ-ირანის ერთობლივი მთავრობათაშორისი კომისიის მე-19 სხდომის ფარგლებში 8 ნოემბერს საღამოს ჩავიდა.