სომხეთმა და კატარმა გარემოსდაცვით სფეროში თანამშრომლობის განვითარების პერსპექტივები განიხილეს
1 წუთი კითხვის
სომხეთის გარემოს დაცვის მინისტრი, COP17-ის პრეზიდენტი ჰამბარძუმ მათევოსიანი კატარის სახელმწიფოს გარემოს დაცვისა და კლიმატის ცვლილების მინისტრს, აბდულა ბინ აბდულაზიზ ბინ თურქი ალ-სუბაის შეხვდა.
„არმენპრესის“ ცნობით, ამის შესახებ ჰამბარძუმ მათევოსიანმა „ფეისბუქის“ საკუთარ გვერდზე დაწერა.
„განვიხილეთ გარემოსდაცვით სფეროში სომხეთ-კატარის ორმხრივი ურთიერთობების განვითარების პერსპექტივები - შევეხეთ ბიომრავალფეროვნების შენარჩუნების, ბუნებრივი რესურსების მდგრადი მართვისა და კლიმატის ცვლილებასთან ბრძოლის მიმართულებებით თანამშრომლობის შესაძლებლობებს.
შეხვედრის მეორე ნაწილში შევეხეთ სომხეთში გასამართი COP17-ის ფარგლებში მინისტერიალის მოლაპარაკებებსა და მასში კატარის აქტიურ ჩართულობას. ხაზი გავუსვით მინისტრების დონეზე დიალოგისა და ძალისხმევის გაერთიანების მნიშვნელობას, რათა ბიომრავალფეროვნების შენარჩუნების ვალდებულებები პრაქტიკულ შედეგებად იქცეს“, - დაწერა მათევოსიანმა.