1 წუთი კითხვის
COP17-ის თავმჯდომარე, სომხეთის გარემოს დაცვის მინისტრი ჰამბარძუმ მათევოსიანი COP17-ის ფარგლებში ნორვეგიის კლიმატისა და გარემოს დაცვის მინისტრ სიგრუნ ოსლანდს შეხვდა.
„არმენპრესის“ ცნობით, ამის შესახებ ჰამბარძუმ მათევოსიანმა „ფეისბუქის“ საკუთარ გვერდზე დაწერა:
„განვიხილეთ კონფერენციის დღის წესრიგის საკითხები და მოლაპარაკებების მიმდინარეობა, ხაზი გავუსვით კონსტრუქციულ დიალოგსა და ერთობლივ მუშაობას საკვანძო საკითხებზე შეთანხმების მისაღწევად.
ჩემმა ნორვეგიელმა კოლეგამ მაღალი შეფასება მისცა COP17-ის ორგანიზების დონესა და კონფერენციის ეფექტიანი მუშაობისთვის შექმნილ პირობებს“, - დაწერა სომხეთის რესპუბლიკის გარემოს დაცვის მინისტრმა.