ნიკოლ ფაშინიანმა და ურსულა ფონ დერ ლაიენმა სომხეთ-ევროკავშირის თანამშრომლობის დღის წესრიგთან დაკავშირებული საკითხები განიხილეს
1 წუთი კითხვის
ნიუ-იორკში სომხეთის პრემიერ-მინისტრ ნიკოლ ფაშინიანისა და ევროკომისიის პრეზიდენტ ურსულა ფონ დერ ლაიენის შეხვედრა გაიმართა.
„არმენპრესის“ ცნობით, სომხეთის რესპუბლიკის პრემიერ-მინისტრის აპარატიდან იუწყებიან, რომ თანამოსაუბრეებმა სომხეთ-ევროკავშირის თანამშრომლობის დღის წესრიგთან დაკავშირებული საკითხები განიხილეს.
p>
პრემიერ-მინისტრმა ხაზი გაუსვა ევროკავშირის მიერ სომხეთის ეკონომიკური დივერსიფიკაციის პროცესისადმი მხარდაჭერისა და ამ მიზნით მიღებული გადაწყვეტილებების მნიშვნელობას.
ნიკოლ ფაშინიანმა ასევე აღნიშნა ევროკავშირის მხარდაჭერა სომხეთში დემოკრატიული რეფორმების ეფექტიანად განხორციელების საქმეში.
ურსულა ფონ დერ ლაიენმა განაცხადა, რომ ევროკავშირი გააგრძელებს სომხეთის მთავრობის პროგრამების წინ წაწევისა და სხვადასხვა სფეროში თანამშრომლობის განვითარების მხარდაჭერას.
თანამოსაუბრეები ასევე შეეხნენ რეგიონული მნიშვნელობის თემებს.