სომხეთში TRIPP-ის პროგრამის ოფიციალური ფეისბუქ-გვერდი ამოქმედდა

სომხეთში ამოქმედდა პროგრამის „ტრამპის გზა საერთაშორისო მშვიდობისა და კეთილდღეობისთვის“ ოფიციალური ფეისბუქ-გვერდი. „არმენპრესის“ ცნობით, ამის შესახებ სომხეთის საგარეო საქმეთა სამინისტრო იტყობინება და ხაზს უსვამს, რომ გვერდს სომხეთის საგარეო უწყებისა და სომხეთში აშშ-ის საელჩოს გუნდები მართავენ.

„სიხარულით გაუწყებთ სომხეთში „ტრამპის გზა საერთაშორისო მშვიდობისა და კეთილდღეობისთვის“ (TRIPP) პროგრამის ოფიციალური ფეისბუქ-გვერდის ამოქმედების შესახებ, რომელიც შეიქმნა სომხეთის საგარეო საქმეთა სამინისტროსა და აშშ-ის სახელმწიფო დეპარტამენტის თანამშრომლობით.

გვერდზე შეგიძლიათ იხილოთ დეტალები და უახლესი მოვლენები TRIPP-ის პროგრამის შესახებ.

აქ წარმოდგენილი იქნება ინფორმაცია სხვადასხვა ფორმატში, რაც უზრუნველყოფს TRIPP-ის შესახებ აქტუალურ ცნობებზე წვდომას“,  ნათქვამია სომხეთის საგარეო საქმეთა სამინისტროს მიერ გავრცელებულ განცხადებაში.