ფრანგმა კოლეგამ არარატ მირზოიანის საგარეო საქმეთა მინისტრად ხელახლა დანიშვნა მიულოცა

საფრანგეთის საგარეო საქმეთა მინისტრმა ჟან-ნოელ ბარომ არარატ მირზოიანს სომხეთის რესპუბლიკის საგარეო საქმეთა მინისტრის თანამდებობაზე ხელახლა დანიშვნა მიულოცა და ამ მოვალეობების განხორციელებაში წარმატებები უსურვა.

„არმენპრესის“ ცნობით, ამის შესახებ ინფორმაციას სომხეთის საგარეო საქმეთა სამინისტრო ავრცელებს.

„კმაყოფილებით აღვნიშნავ, რომ თქვენთან ერთად გავაგრძელებთ მუშაობას ჩვენი ორმხრივი ურთიერთობების გაღრმავების მიმართულებით - საფრანგეთის რესპუბლიკის პრეზიდენტის სახელმწიფო ვიზიტის დროს ხელმოწერილი სტრატეგიული პარტნიორობის დეკლარაციის შესაბამისად. შეგიძლიათ გქონდეთ საფრანგეთის მხარდაჭერის იმედი სომხეთის სუვერენიტეტის, არჩეული დემოკრატიული გზისა და თქვენს ქვეყანასა და ევროკავშირს შორის დაახლოების საკითხში“, - აღნიშნულია საფრანგეთის საგარეო საქმეთა მინისტრის მისალოც გზავნილში.