პრემიერ-მინისტრმა სომხეთში აკრედიტებული არაბული სახელმწიფოების ელჩები მიიღო

სომხეთის პრემიერ-მინისტრმა ნიკოლ ფაშინიანმა სომხეთში აკრედიტებული არაბული სახელმწიფოების საგანგებო და უფლებამოსილი ელჩები მიიღო.

„არმენპრესის“ ცნობით, ამის შესახებ ინფორმაციას სომხეთის რესპუბლიკის პრემიერ-მინისტრის აპარატის ინფორმაციისა და საზოგადოებასთან ურთიერთობის სამმართველო ავრცელებს.

პრემიერ-მინისტრმა ხაზი გაუსვა არაბულ სახელმწიფოებთან ურთიერთობების განვითარებისა და თანამშრომლობის გაღრმავების მნიშვნელობას და აღნიშნა, რომ სომხეთსა და არაბულ ქვეყნებს შორის მტკიცე ისტორიული და კულტურული კავშირებია ჩამოყალიბებული. კერძოდ, ნიკოლ ფაშინიანმა განაცხადა, რომ სომხეთის მთავრობა დაინტერესებულია პოლიტიკური, დიპლომატიური და ეკონომიკური კავშირების გაღრმავებისკენ მიმართული ახალი ინიციატივების დაწინაურებით.

ყურადღება გამახვილდა რეგიონში მშვიდობისა და სტაბილურობის უზრუნველყოფისკენ მიმართულ ძალისხმევაზე. ამ კონტექსტში თანამოსაუბრეებმა ხაზი გაუსვეს 2025 წლის 8 აგვისტოს ვაშინგტონში გამართული სამიტის შედეგად სომხეთსა და აზერბაიჯანს შორის დამყარებული მშვიდობის მნიშვნელობას.

ელჩებმა მადლობა გადაუხადეს ამ ფორმატის შეხვედრის ორგანიზებისთვის და აღნიშნეს, რომ ის ხელს შეუწყობს ნაყოფიერ დიალოგსა და ორმხრივად საინტერესო საკითხების განხილვას.

აზრები გაიცვალა რეგიონული კომუნიკაციების განბლოკვისკენ მიმართულ ნაბიჯებზე, მათ შორის TRIPP-ის პროექტის რეალიზაციისკენ მიმართულ სამუშაოებზე.

საუბარი ასევე შეეხო ამ წლის ოქტომბერში სომხეთში გასამართ „ბიოლოგიური მრავალფეროვნების შესახებ“ კონვენციის მხარეთა მე-17 კონფერენციას (COP17). პრემიერ-მინისტრმა ხაზი გაუსვა დაგეგმილ ღონისძიებებში არაბული სახელმწიფოების დელეგაციების აქტიურ მონაწილეობას.