ერევანში ანის ისტორიული ხიდის აღდგენის საკითხებზე სომხეთ-თურქეთის სამუშაო ჯგუფის მეორე შეხვედრა გაიმართა
1 წუთი კითხვის
ერევანში 4 აგვისტოს ანის ისტორიული ხიდის აღდგენის საკითხებზე სომხეთ-თურქეთის ერთობლივი სამუშაო ჯგუფის მეორე შეხვედრა გაიმართა.
„არმენპრესის“ ცნობით, შეხვედრის მსვლელობისას მხარეებმა ხაზი გაუსვეს ანის ისტორიული ხიდის ერთობლივი აღდგენის შესახებ 2026 წლის 4 მაისს ერევანში ხელმოწერილი ოქმის მნიშვნელობას.
მხარეები შეთანხმდნენ, განაგრძონ ძალისხმევა ხელმოწერილი ოქმის უმოკლეს ვადებში განხორციელების უზრუნველსაყოფად.
სომხეთმა და თურქეთმა 4 მაისს ერევანში, ევროპული პოლიტიკური გაერთიანების მე-8 სამიტის ფარგლებში, ანის ხიდის აღდგენის თაობაზე ურთიერთგაგების მემორანდუმს მოაწერეს ხელი. მემორანდუმის ხელმოწერის ცერემონია ანის ხიდის აღდგენის საკითხზე მომუშავე სამუშაო ჯგუფის პირველი შეხვედრის ფარგლებში გაიმართა.