აზერბაიჯანში დაკავებული სომეხი სამხედრო ტყვეების გათავისუფლების საკითხის მოსაგვარებლად მუშაობა მუდმივ რეჟიმში მიმდინარეობს - ფაშინიანი
1 წუთი კითხვის
სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა, რომ აზერბაიჯანში დაკავებული სომეხი სამხედრო ტყვეების გათავისუფლების საკითხის მოსაგვარებლად მუშაობა მუდმივ რეჟიმში მიმდინარეობს.
„არმენპრესის“ ინფორმაციით, ამის შესახებ ნიკოლ ფაშინიანმა მთავრობის სხდომის შემდეგ გამართულ ბრიფინგზე განაცხადა.
„აზერბაიჯანში დაკავებული სომეხი სამხედრო ტყვეების გათავისუფლების მიზნით, ჩვენი სახელმწიფო ინსტიტუტები ყოველდღიურ რეჟიმში მუშაობენ, რათა ჯერ ინფორმაცია დააზუსტონ და სადაც შესაძლებელია, მხარდაჭერა აღმოუჩინონ. ჩვენმა წარსულმა გამოცდილებამ აჩვენა, რომ მუშაობა მეტ-ნაკლებად ეფექტიანია იმ შემთხვევაში, როდესაც ის უხმაუროდ და კონფიდენციალურად მიმდინარეობს, რაც ახლაც კეთდება“, - განაცხადა ფაშინიანმა.