არჩევნებმა კიდევ ერთხელ აჩვენა სომხეთის დემოკრატიის სიმტკიცე - ურსულა ფონ დერ ლაიენი

სომხეთის რესპუბლიკაში გამართულმა არჩევნებმა კიდევ ერთხელ დაადასტურა სომხური დემოკრატიის მდგრადობა. ხავერდოვანი რევოლუციის სულისკვეთება, რომელსაც ნიკოლ ფაშინიანმა 2018 წელს ჩაუყარა საფუძველი, სიცოცხლისუნარიანია და წარმატებით ვითარდება.

„არმენპრესის“ ცნობით, ამის შესახებ ევროკომისიის პრეზიდენტმა ურსულა ფონ დერ ლაიენმა სომხეთის პრემიერ-მინისტრი ნიკოლ ფაშინიანთან ერთად გამართულ ერთობლივ პრესკონფერენციაზე განაცხადა.

„სომხეთი აგრძელებს სვლას დემოკრატიის, რეფორმების, მშვიდობისა და ევროკავშირთან უფრო მჭიდრო თანამშრომლობის გზით. 7 ივნისს სომხეთის მოსახლეობამ მკაფიოდ გამოხატა საკუთარი ნება, აირჩია რა დემოკრატია, კანონის უზენაესობა, რეფორმები და მშვიდობა, და უპირატესობა მიანიჭა ევროკავშირთან ღია, ინკლუზიურ პარტნიორობას. ახლა ჩვენ ეს მისწრაფებები რეალურ შედეგებად უნდა ვაქციოთ. ამ საქმეში შეგიძლიათ ჩვენი მხარდაჭერის იმედი გქონდეთ“, - აღნიშნა ევროკომისიის პრეზიდენტმა.

სომხეთში 7 ივნისს გამართული საპარლამენტო არჩევნების შედეგების მიხედვით, ეროვნულ ასამბლეაში სამი პოლიტიკური ძალა იქნება წარმოდგენილი: მმართველ პარტია „სამოქალაქო ხელშეკრულებას“ 64 მანდატი ექნება, „ძლიერ სომხეთს“ - 29, ხოლო ბლოკ „სომხეთს“ - 12.