ლატვიის პრეზიდენტმა ნიკოლ ფაშინიანს საპარლამენტო არჩევნებში გამარჯვება მიულოცა

ლატვიის პრეზიდენტმა ედგარს რინკევიჩსმა სომხეთის პრემიერ-მინისტრ ნიკოლ ფაშინიანს საპარლამენტო არჩევნებში პარტია „სამოქალაქო კონტრაქტის“ გამარჯვება მიულოცა.

„არმენპრესის“ ცნობით, ამის შესახებ ლატვიის პრეზიდენტმა X-ის საკუთარ მიკრობლოგში დაწერა.

„პრემიერ-მინისტრო ნიკოლ ფაშინიან, გილოცავთ არჩევნებში თქვენს დამაჯერებელ საარჩევნო გამარჯვებას. სომხეთმა აირჩია საკუთარი დემოკრატიული გზა, მიუხედავად მუქარისა და დაშინებისა“, - აღნიშნა მან.

ედგარს რინკევიჩსმა ასევე ხაზგასმით აღნიშნა, რომ ლატვია მტკიცედ დგას პრემიერ-მინისტრ ფაშინიანის გვერდით და მხარს უჭერს სომხეთსა და ევროკავშირს შორის კიდევ უფრო მჭიდრო ურთიერთობების დამყარებას.

სომხეთში გამართული საპარლამენტო არჩევნების წინასწარი შედეგებით, საკანონმდებლო ორგანოში 4 პოლიტიკური სუბიექტი შედის: პარტია „სამოქალაქო ხელშეკრულება“ - 727 ათას 160 ხმით (49.81%), ბლოკი „ძლიერი სომხეთი“ - 340 ათას 62 ხმით (23.29%), ბლოკი „სომხეთი“ - 145 ათას 97 ხმით (9.94%) და პარტია „კეთილდღეობითი სომხეთი“ - 58 ათას 368 ხმით (4%). სომხეთის პრემიერ-მინისტრმა ნიკოლ ფაშინიანმა უკვე განაცხადა, რომ ხმების ამგვარი თანაფარდობით, პარტია „სამოქალაქო ხელშეკრულება“ ეროვნულ ასამბლეაში უმრავლესობას მოიპოვებს და მთავრობას ჩამოაყალიბებს.