ეუთოს საპარლამენტო ასამბლეის სადამკვირვებლო დელეგაციის ხელმძღვანელი 22-23 მაისს ერევანში იქნება
2 წუთი კითხვის
ეუთოს საპარლამენტო ასამბლეის სადამკვირვებლო დელეგაციის ხელმძღვანელი ევროსიმა პეიოვიჩი 22-23 მაისს ერევანში იმყოფებოდა 7 ივნისს დაგეგმილი სომხეთის საპარლამენტო არჩევნების მონიტორინგის მოსამზადებელი სამუშაოების ფარგლებში.
„არმენპრესის“ ცნობით, ამის შესახებ განცხადებას ეუთო ავრცელებს.
ვიზიტის ფარგლებში იგი შეხვედრებს გამართავს სახელმწიფო უწყებების, საარჩევნო ადმინისტრაციის, პოლიტიკური პარტიებისა და ბლოკების, სამოქალაქო საზოგადოების ორგანიზაციებისა და მედიის წარმომადგენლებთან, ასევე სომხეთში უკვე განლაგებული ეუთოს დემოკრატიული ინსტიტუტებისა და ადამიანის უფლებათა ოფისის მისიის წევრებთან.
განცხადების თანახმად, ვიზიტის მიზანია წინასაარჩევნო გარემოსა და არჩევნების მოსამზადებელი პროცესის გაცნობა. აღნიშნულია ასევე, რომ პეიოვიჩი ითანამშრომლებს ფარა ქარიმისთან, რომელიც ეუთოს მოკლევადიანი სადამკვირვებლო მისიის სპეციალურ კოორდინატორად არის დანიშნული.
ეუთოს საპარლამენტო ასამბლეის სადამკვირვებლო მისია ასევე ითანამშრომლებს ევროპის საბჭოს საპარლამენტო ასამბლეისა და ევროპარლამენტის დელეგაციებთან.
განცხადებაში ხაზგასმულია, რომ ეუთოს საპარლამენტო ასამბლეას სომხეთში არჩევნებზე დაკვირვების მრავალწლიანი გამოცდილება აქვს და ქვეყანაში პირველი მისია ჯერ კიდევ 1995 წელს მიავლინა.
მოსალოდნელია, რომ სადამკვირვებლო მისიაში მონაწილეობას მიიღებს ეუთოს რეგიონის 30-ზე მეტი ქვეყნის 100-ზე მეტი პარლამენტარი და თანამშრომელი.