ნიკოლ ფაშინიანი 28 მაისის ევრაზიული ეკონომიკური კავშირის სხდომაში მონაწილეობას არ მიიღებს
1 წუთი კითხვის
სომხეთის პრემიერ-მინისტრმა ნიკოლ ფაშინიანმა განაცხადა, რომ 28 მაისს ასტანაში დაგეგმილ ეეკ-ის ლიდერების სხდომას არ დაესწრება.
„არმენპრესის“ ინფორმაციით, ამის შესახებ ფაშინიანმა ჟურნალისტებთან ბრიფინგზე ისაუბრა.
პრემიერ-მინისტრის თქმით, მან ჯერ კიდევ პირველ აპრილს ვლადიმერ პუტინთან შეხვედრისას აცნობა, რომ საარჩევნო კამპანიის გამო ვერ შეძლებდა მონაწილეობის მიღებას როგორც 9 მაისის ღონისძიებებში მოსკოვში, ისე 28 მაისის ეეკ-ის სხდომაში.
„მე წინასწარ ვაცნობე, მათ შორის თავაზიანობისა და პატივისცემის გამოხატვის ლოგიკით, რომ ვერ მივიღებდი მონაწილეობას 9 მაისის აღლუმში მოსკოვში და ასევე შევატყობინე, რომ ვერც 28 მაისს ეეკ-ის სხდომას დავესწრებოდი“, - აღნიშნა ფაშინიანმა.
პრემიერმა ასევე განაცხადა, რომ ამის შესახებ ყაზახეთის პრეზიდენტი ყასიმ-ჟომართ თოყაევიც ინფორმირებულია.
ფაშინიანის თქმით, სხდომაზე სომხეთის დელეგაციას ვიცე-პრემიერი მჰერ გრიგორიანი წარადგენს.