1 წუთი კითხვის
სომხეთის პრემიერ-მინისტრმა ნიკოლ ფაშინიანმა განაცხადა, რომ იგი არ მიიღებს მონაწილეობას 9 მაისს მოსკოვში გამარჯვების დღისადმი მიძღვნილ სამხედრო აღლუმში.
„არმენპრესის“ ინფორმაციით, ამის შესახებ პრემიერმა ჟურნალისტებთან ბრიფინგზე განაცხადა.
„აპრილში რუსეთში ვიზიტის დროს რუსეთის პრეზიდენტს ვაცნობე, რომ წინასაარჩევნო კამპანიის გამო 9 მაისის ღონისძიებებში მონაწილეობას ვერ შევძლებდი“, - განაცხადა ფაშინიანმა.
სომხეთში 8 მაისიდან დაიწყება 7 ივნისისთვის დაგეგმილი საპარლამენტო არჩევნების წინასაარჩევნო კამპანია. მმართველმა პარტიამ „სამოქალაქო ხელშეკრულება“ უკვე დააანონსა, რომ პრემიერ-მინისტრ ნიკოლ ფაშინიანის ხელმძღვანელობით, 8 და 9 მაისს კამპანიას სიუნიქის ოლქში ჩაატარებენ.