1 წუთი კითხვის
სომხეთის პრემიერ-მინისტრმა ნიკოლ ფაშინიანმა განაცხადა, რომ 28 მაისს დაგეგმილი სამხედრო აღლუმის დროს საზოგადოება იხილავს, თუ რა მხარდაჭერა აღმოუჩინა საფრანგეთის პრეზიდენტმა ემანუელ მაკრონმა სომხეთს.
„არმენპრესის“ ცნობით, პრემიერმა ამის შესახებ მთავრობის სხდომის შემდეგ ჟურნალისტებთან ბრიფინგზე ისაუბრა, როდესაც უპასუხა შეკითხვას იმის შესახებ, თუ კონკრეტულად რა გააკეთა ემანუელ მაკრონმა სომხეთისთვის.
„რაც შეეხება კითხვას, თუ რა გააკეთა საფრანგეთის პრეზიდენტმა ემანუელ მაკრონმა, 28 მაისს ვნახავთ, რა გააკეთა. რა უნდა მოვყვე, გაჩვენებთ“, - განაცხადა ფაშინიანმა.
28 მაისს რესპუბლიკის მოედანზე დაგეგმილია სამხედრო აღლუმი, რომლის დროსაც წარმოდგენილი იქნება სომხეთის მიერ ბოლო წლებში შეძენილი შეიარაღება.