სომხეთის პრემიერ-მინისტრმა ევროპელ სტუმრებს „წითელი ხიდი“ დაათვალიერებინა

სომხეთის პრემიერ-მინისტრმა ნიკოლ ფაშინიანმა ევროპული საბჭოს პრეზიდენტი ანტონიუ კოშტა, ევროკომისიის პრეზიდენტი ურსულა ფონ დერ ლაიენი და ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი ერევნის „წითელი ხიდის“ დასათვალიერებლად მიიწვია.

„არმენპრესის“ ცნობით, ამის შესახებ ნიკოლ ფაშინიანმა „ფეისბუქის“ საკუთარ გვერდზე განაცხადა და „წითელ ხიდზე“ გასეირნების ამსახველი ვიდეომასალა გამოაქვეყნა.