1 წუთი კითხვის
სომხეთის ვიცე-პრემიერმა მჰერ გრიგორიანმა სომხეთში ევროკავშირის დელეგაციის ხელმძღვანელი, ელჩი ვასილის მარაგოსი მიიღო.
„არმენპრესის“ ცნობით, ამის შესახებ ინფორმაციას სომხეთის მთავრობა ავრცელებს.
ევროკავშირის ელჩთან გამართულ შეხვედრაზე ვიცე-პრემიერმა იმედი გამოთქვა, რომ „ევროპული პოლიტიკური გაერთიანებისა“ და სომხეთი-ევროკავშირის მომავალი სამიტები ასახავს მხარეების განზრახვას, გააგრძელონ თანამშრომლობითი და ურთიერთხელსაყრელი პარტნიორობა. ეს პარტნიორობა მიზნად ისახავს სომხეთის ინტეგრაციას ევროპულ სატრანსპორტო, ენერგეტიკულ და ციფრულ ქსელებში, რაც ხელს შეუწყობს რეგიონულ მშვიდობასა და მდგრად განვითარებას.
მიმდინარე წლის მაისში ერევანში დაგეგმილი მაღალი დონის ღონისძიებების მოლოდინში, თანამოსაუბრეები შეეხნენ დემოკრატიული და ეკონომიკური მდგრადობის განმტკიცებისა და ურთიერთდაკავშირებადობის დღის წესრიგს. ხაზი გაესვა სომხური და ევროპული კერძო სექტორებისთვის ინვესტირების შესაძლებლობებს იმ პროექტებში, რომლებიც სტრატეგიულ პრიორიტეტს წარმოადგენს.