ასტანაში სომხეთის ვიცე-პრემიერისა და რუსეთის პრეზიდენტის ცალკე შეხვედრა დაგეგმილი არ არის

ასტანაში სომხეთის ვიცე-პრემიერ მჰერ გრიგორიანისა და რუსეთის პრეზიდენტ ვლადიმირ პუტინის ცალკე შეხვედრა დაგეგმილი არ არის.

შეგახსენებთ, რომ ევრაზიული ეკონომიკური კავშირის წევრი ქვეყნების ლიდერთა სამიტზე, რომელიც ყაზახეთის დედაქალაქ ასტანაში დაიწყო, სომხეთის პრემიერ-მინისტრ ნიკოლ ფაშინიანს ვიცე-პრემიერი მჰერ გრიგორიანი ანაცვლებს. ფაშინიანმა უფრო ადრე აცნობა რუსეთის პრეზიდენტ ვლადიმირ პუტინსა და ყაზახეთის პრეზიდენტ ყასიმ-ჟომარტ თოყაევს, რომ სამიტში მონაწილეობას ვერ მიიღებდა სომხეთში 7 ივნისს დაგეგმილი საპარლამენტო არჩევნების წინასაარჩევნო კამპანიის გამო.

„არმენპრესის“ ცნობით, როგორც რუსული სააგენტო „ტასი“ იტყობინება, რუსეთის პრეზიდენტის პრესმდივანმა დმიტრი პესკოვმა ჟურნალისტებთან საუბრისას განაცხადა, რომ სომხეთის ვიცე-პრემიერისა და რუსეთის პრეზიდენტის ცალკე შეხვედრა დაგეგმილი არ არის. „არა, ცალკე შეხვედრა დაგეგმილი არ არის, თუმცა, სურვილის შემთხვევაში, მათ შეეძლებათ შესანიშნავად გასაუბრება ევრაზიული ეკონომიკური კავშირის სამიტის კულუარებში“, - განაცხადა პესკოვმა.