არმენ გრიგორიანი საბერძნეთში „დელფის ეკონომიკურ ფორუმში“ მიიღებს მონაწილეობას

სომხეთის უშიშროების საბჭოს მდივანი არმენ გრიგორიანი 22 აპრილს, საბერძნეთის ქალაქ დელფში, „დელფის ეკონომიკურ ფორუმში“ მიიღებს მონაწილეობას.

„არმენპრესის“ ცნობით, ამის შესახებ ინფორმაციას სომხეთის რესპუბლიკის უშიშროების საბჭო ავრცელებს.

ფორუმის ფარგლებში, არმენ გრიგორიანი საბერძნეთის რესპუბლიკის პრემიერ-მინისტრის მრჩეველთან ეროვნული უსაფრთხოების საკითხებში თანოს დოკოსთან, აზერბაიჯანის რესპუბლიკის პრეზიდენტის თანაშემწესთან ჰიქმეთ ჰაჯიევთან და მოლდოვის რესპუბლიკის პრეზიდენტის მრჩეველთან ეროვნული უსაფრთხოების საკითხებში სტანისლავ სეკრიერუსთან ერთად მონაწილეობას მიიღებს პანელურ დისკუსიაში, სახელწოდებით: „სტრატეგიული გამყოფი ხაზები: კონფლიქტების მართვა და მდგრადობის ჩამოყალიბება ევროპის აღმოსავლეთ სამეზობლოში“.