1 წუთი კითხვის
სომხეთის რესპუბლიკა შედის პროექტ TRIPP-ის („ტრამპის მარშრუტი საერთაშორისო მშვიდობისა და კეთილდღეობისთვის“) განხორციელების ფაზაში.
„არმენპრესის“ ცნობით, ამის შესახებ ეროვნულ ასამბლეაში სიტყვით გამოსვლისას სომხეთის პრემიერ-მინისტრმა ნიკოლ ფაშინიანმა განაცხადა.
„სიხარულით უნდა აღვნიშნოთ, რომ რთული საერთაშორისო ვითარების მიუხედავად, როგორც ამერიკის შეერთებული შტატების, ისე სომხეთის რესპუბლიკისა და აზერბაიჯანის რესპუბლიკის მთავრობები რეგიონული კომუნიკაციების განბლოკვასა და პროექტ TRIPP-ის განხორციელებას პრიორიტეტად მიიჩნევენ“, - განაცხადა პრემიერ-მინისტრმა.
ნიკოლ ფაშინიანმა ხაზი გაუსვა, რომ ეს გამომდინარეობს იმ გაცნობიერებიდან, რომ პროექტის რეალიზაცია ჩვენს რეგიონში გრძელვადიანი, სტაბილური და საიმედო მშვიდობის მნიშვნელოვანი საყრდენი ხდება.