1 წუთი კითხვის
სომხეთის რესპუბლიკის პრემიერ-მინისტრმა ნიკოლ ფაშინიანმა ევროპის საკითხებში საფრანგეთის მინისტრი-დელეგატი ბენჟამენ ჰადადი მიიღო.
„არმენპრესის“ ცნობით, სომხეთის პრემიერ-მინისტრის აპარატი იტყობინება, რომ შეხვედრისას განიხილეს სომხეთ-საფრანგეთის ორმხრივი ურთიერთობების დღის წესრიგისა და მრავალდარგობრივი თანამშრომლობის შემდგომი განვითარების საკითხები. საუბარი შეეხო სომხეთ-ევროკავშირის თანამშრომლობას, ისევე როგორც სომხეთში ევროპული პოლიტიკური გაერთიანების სამიტის გამართვასთან დაკავშირებულ თემებს.
მხარეებმა ასევე აზრები გაცვალეს რეგიონულ მოვლენებზე, მშვიდობისა და სტაბილურობის უზრუნველყოფისკენ მიმართულ ნაბიჯებზე.
ხაზი გაესვა აქტიური პოლიტიკური დიალოგის უწყვეტობასა და ორმხრივი ინტერესის მქონე მიმართულებებით თანამშრომლობის გაფართოების მნიშვნელობას.