ფაშინიანი უსაფრთხოების ყველაზე საიმედო გარანტიად მშვიდობას მიიჩნევს

სომხეთის პრემიერ-მინისტრმა ნიკოლ ფაშინიანმა განაცხადა, რომ უსაფრთხოების ყველაზე საიმედო გარანტია მშვიდობაა.

„არმენპრესის“ ცნობით, ამის შესახებ ფაშინიანმა მთავრობის სასახლეში ჟურნალისტებთან ბრიფინგზე ისაუბრა.

„ყველა ქვეყანას უნდა ჰქონდეს უსაფრთხოების შიდა სისტემები, მაგრამ რაც უფრო ფართოა უსაფრთხოების აღქმა, მით უკეთესი. ახლა, მაგალითად, არის თუ არა მშვიდობა სომხეთსა და აზერბაიჯანს შორის უსაფრთხოების გარანტია? რა თქმა უნდა, გარანტიაა. ვის შორის დაიდო ეს მშვიდობა? სომხეთსა და აზერბაიჯანს შორის. ვისთვის დადეს მათ ეს მშვიდობა? თითოეულმა საკუთარი თავისთვის, მაგრამ ამ მშვიდობის დამყარებით თითოეულმა შექმნა უსაფრთხოების გარკვეული ბერკეტი მეორე მხარისთვისაც“, - აღნიშნა ფაშინიანმა.