1 წუთი კითხვის
პრემიერ-მინისტრმა ნიკოლ ფაშინიანმა სომხეთში ევროკავშირის სამოქალაქო მისიის ახლადდანიშნული ხელმძღვანელი, სატუ კოივუ მიიღო.
„არმენპრესის“ ცნობით, ამის შესახებ ინფორმაციას სომხეთის პრემიერ-მინისტრის აპარატის ინფორმაციისა და საზოგადოებასთან ურთიერთობის სამმართველო ავრცელებს.
პრემიერმა ქალბატონ კოივუს საპასუხისმგებლო თანამდებობის დაკავება მიულოცა და ჩვენს ქვეყანაში ევროკავშირის სამოქალაქო მისიის საქმიანობის მნიშვნელობას გაუსვა ხაზი. ნიკოლ ფაშინიანმა აღნიშნა, რომ სომხეთი-ევროკავშირის ურთიერთობებს განვითარების დინამიკური ხასიათი აქვს და ხაზი გაუსვა ევროკავშირის თანმიმდევრულ მხარდაჭერას დემოკრატიული ინსტიტუტების განვითარების საქმეში.
სატუ კოივუმ მადლობა გადაიხადა თბილი მიღებისთვის და ევროკავშირის სამოქალაქო მისიის საქმიანობაზე ისაუბრა. მან გამოთქვა რწმენა, რომ სომხეთის მთავრობის პარტნიორებთან მჭიდრო თანამშრომლობა და აქტიური დიალოგი გაგრძელდება.
შეხვედრისას მხარეებმა განიხილეს სომხეთსა და აზერბაიჯანს შორის მშვიდობის დამყარებასა და რეგიონში სტაბილურობის უზრუნველყოფასთან დაკავშირებული საკითხები.