პრემიერ-მინისტრი გამოეხმაურა ოპოზიციის მტკიცებებს აზერბაიჯანის შეიარაღებული ძალების მიერ სომხეთში ახალი პოზიციური გაუმჯობესებების შესახებ
2 წუთი კითხვის
არსებობს მკაფიო რუკა, დე იურე მნიშვნელობის მქონე ხაზი, რაც აჩვენებს, რომ მტკიცებები აზერბაიჯანის მიერ სომხეთის სუვერენულ ტერიტორიაზე შეჭრისა და ახალი პოზიციური გაუმჯობესებების შესახებ არ შეესაბამება სინამდვილეს. „არმენპრესის“ ცნობით, ამის შესახებ სომხეთის პრემიერ-მინისტრმა ნიკოლ ფაშინიანმა 12 მარტს, მთავრობის სხდომის შემდეგ ჟურნალისტებთან გამართულ ბრიფინგზე განაცხადა. კითხვა შეეხებოდა ინიციატივა „ერთიანობის ფრთების“ ხელმძღვანელის განცხადებებს აზერბაიჯანის შეიარაღებული ძალების მიერ სომხეთის ტერიტორიაზე ახალი პოზიციური წინსვლის შესახებ.
„თავდაცვის სამინისტრომ დეტალური განმარტება უკვე გასცა, დამატებით კიდევ რა არის განმარტებითი... არსებობს მკაფიო სასაზღვრო ხაზი და ჩვენ ვიცით, სად არის სომხეთის რესპუბლიკა და სომხეთის რესპუბლიკის სახელმწიფო ორგანოების უფლებამოსილება. რა თქმა უნდა, პარალელურად ვთქვით, რომ ტერიტორიებთან დაკავშირებით არსებობს გარკვეული პრობლემები, რომლებიც დელიმიტაციის პროცესში გადაიჭრება. თქვენ მიერ ნახსენებ შემთხვევას ჩემ მიერ ნახსენებ შემთხვევასთან კავშირი არ აქვს“, - ხაზგასმით აღნიშნა პრემიერ-მინისტრმა.
კითხვაზე, აპირებს თუ არა შეხვედრას უგზო-უკვლოდ დაკარგულთა მშობლებთან, რომლებიც მთავრობის შენობის წინ საპროტესტო აქციას მართავდნენ, ნიკოლ ფაშინიანმა აღნიშნა:
„მე უგზო-უკვლოდ დაკარგულთა ახლობლებს ათეულობითჯერ შევხვდი. თუმცა გამოცდილება აჩვენებს, რომ უნდა გვესმოდეს - ამ შეხვედრების შედეგად რა პრობლემას ვჭრით ან გვინდა გადავჭრათ. თუ დავინახავ, რომ პასუხისმგებელ ამა თუ იმ ორგანოებთან კონტაქტები ჩემს შეხვედრასაც აუცილებელს ხდის - შევხვდები. მე არასოდეს გავურბივარ არანაირ შეხვედრას, უბრალოდ უნდა გვესმოდეს შეხვედრის მიზანი, დღის წესრიგი და ეფექტურობა“.