არარატ მირზოიანი ყირგიზეთისა და ლიბანის კოლეგებს შეხვდა

სომხეთის რესპუბლიკის საგარეო საქმეთა მინისტრი არარატ მირზოიანი ჟენევაში სხვადასხვა ქვეყნის კოლეგებს, მათ შორის ყირგიზეთისა და ლიბანის საგარეო საქმეთა მინისტრებს შეხვდა.

„არმენპრესის“ ცნობით, ამის შესახებ სომხეთის საგარეო საქმეთა სამინისტროს პრესსპიკერი ანი ბადალიანი იტყობინება.

საგარეო საქმეთა მინისტრებს შორის შეხვედრები გაერთიანებული ერების ორგანიზაციის ადამიანის უფლებათა საბჭოს სესიის ფარგლებში გაიმართა.