სომხეთის რესპუბლიკის უშიშროების საბჭოს მდივანმა ირანის საგარეო საქმეთა მინისტრის მოადგილესთან რეგიონული სატრანსპორტო კომუნიკაციების განბლოკვასთან დაკავშირებული საკითხები განიხილა

სომხეთის რესპუბლიკის უშიშროების საბჭოს მდივანმა არმენ გრიგორიანმა 8 იანვარს მიიღო ირანის ისლამური რესპუბლიკის საგარეო საქმეთა მინისტრის მოადგილის, მაჯიდ თახთ რავანჩის ხელმძღვანელობით ჩამოსული დელეგაცია. „არმენპრესის“ ინფორმაციით, ამის შესახებ განცხადება სომხეთის რესპუბლიკის უშიშროების საბჭოს აპარატმა გაავრცელა.

უშიშროების საბჭოს მდივანმა მიესალმა დელეგაციის ვიზიტს სომხეთში და მაღალი შეფასება მისცა სომხეთის რესპუბლიკასა და ირანის ისლამურ რესპუბლიკას შორის ორმხრივი ურთიერთობების განვითარების სტაბილურ დინამიკას, რომელიც მოიცავს ეკონომიკურ, კულტურულ, პოლიტიკურ და უსაფრთხოების სფეროებს. მხარეებმა კიდევ ერთხელ გაუსვეს ხაზი ორმხრივი ურთიერთობების სტრატეგიულ დონეზე აყვანის მზაობას.

მხარეებმა ასევე განიხილეს რეგიონული სატრანსპორტო კომუნიკაციების განბლოკვასთან დაკავშირებული საკითხები, რომლის ფარგლებში ორმხრივად იქნა ხაზგასმული ჩრდილოეთ–სამხრეთის საავტომობილო ინფრასტრუქტურის განვითარების მნიშვნელობა ორივე ქვეყნის ინტერესებიდან გამომდინარე. გრიგორიანმა ამ კონტექსტში აღნიშნა „მშვიდობის გზაჯვარედინის“ პროექტის განხორციელების საკითხში სომხეთის რესპუბლიკის მთავრობის თანმიმდევრული მიდგომა.