2 წუთი კითხვის
სომხეთის რესპუბლიკის თავდაცვის სამინისტროს თავდაცვითი პოლიტიკისა და საერთაშორისო თანამშრომლობის დეპარტამენტის ხელმძღვანელის, ლევონ აივაზიანის ხელმძღვანელობით მოქმედმა დელეგაციამ 15–16 დეკემბერს პარიზში მონაწილეობა მიიღო სომხეთ–საფრანგეთის ორმხრივ სტრატეგიულ თავდაცვით კონსულტაციებში․
„არმენპრესის“ ინფორმაციით, სომხეთის თავდაცვის სამინისტროს მიერ გავრცელებულ განცხადებაში აღნიშნულია, რომ კონსულტაციების ფარგლებში ლევონ აივაზიანი შეხვდა საფრანგეთის შეიარაღებული ძალების სამინისტროს საერთაშორისო ურთიერთობებისა და სტრატეგიის დირექტორატის ახლად დანიშნულ ხელმძღვანელს, გიიომ ოლანიეს, რის შემდეგაც დელეგაციათა შემადგენლობით გაიმართა განხილვები დირექტორატის ხელმძღვანელის მოადგილესთან, გენერალ-ლეიტენანტ ერიკ პატიესთან․
შეჯამდა თანამშრომლობის ფარგლებში 2025 წელს განხორციელებული სამუშაოები და განისაზღვრა მომავალი წლის პროგრამები․
მხარეებმა ხაზი გაუსვეს ორმხრივი თანამშრომლობისთვის სტრატეგიული შინაარსისა და ინსტიტუციური ხასიათის მინიჭების მნიშვნელობას․
კონსულტაციების შედეგად ხელი მოეწერა სომხეთ–საფრანგეთის თავდაცვითი თანამშრომლობის 2026 წლის პროგრამას, რომელიც მოიცავს რამდენიმე ათეულ ღონისძიებას შეიარაღებული ძალების საქმიანობის თითქმის ყველა სფეროში․
მიღებულია გადაწყვეტილება, რომ შემდეგი სტრატეგიული თავდაცვის კონსულტაციები ერევანში გაიმართება.