სომხეთში საფრანგეთის ახლადდანიშნული ელჩი სომეხთა გენოციდის მემორიალს ეწვია

სომხეთის რესპუბლიკაში საფრანგეთის ახლადდანიშნული საგანგებო და უფლებამოსილი ელჩი ფლორიან ესკიუდიე 9 სექტემბერს სომეხთა გენოციდის მემორიალს ეწვია. ელჩს მემორიალთან შეხვდა და მასპინძლობა გაუწია სომეხთა გენოციდის მუზეუმ-ინსტიტუტის დირექტორის მოვალეობის შემსრულებელმა ჰრაჩია თაშჩიანმა.

„არმენპრესის“ ცნობით, მუზეუმ-ინსტიტუტმა ვიზიტის ამსახველი ფოტოები გამოაქვეყნა.

ფლორიან ესკიუდიემ პატივი მიაგო სომეხთა გენოციდის მსხვერპლთა ხსოვნას და უშრობ ცეცხლთან ყვავილები დადო.

ელჩმა მემორიალის ტერიტორია დაათვალიერა და სომეხთა გენოციდის მსხვერპლთა ხსოვნის უკვდავმყოფი მემორიალური კომპლექსის ისტორიასა და სიმბოლიკას გაეცნო.