1 წუთი კითხვის
სომხეთის პრემიერ-მინისტრი ნიკოლ ფაშინიანი დარწმუნებულია, რომ 2026 წლის საპარლამენტო არჩევნებზე სომხეთის მოსახლეობა დაიცავს მშვიდობას. ამის შესახებ, „არმენპრესის“ ინფორმაციით, ფაშინიანმა განაცხადა ეროვნული ასამბლეის სხდომაზე, სადაც განიხილებოდა კანონის პროექტი „სომხეთის რესპუბლიკის 2026 წლის სახელმწიფო ბიუჯეტის შესახებ“․
„ჩვენ სომხეთი გამოვიყვანეთ გეოპოლიტიკური მახიდან. ახლა სომხეთის წინაშეა პერსპექტივა ყველა მიმართულებით და სომხეთის ხალხი თავისი სუვერენული ნებით თავად წყვეტს, განვითარების რომელი ხედვა აირჩიოს. სომხეთის რესპუბლიკის ხალხმა არჩევნებზე უნდა დაიცვას მშვიდობა. წამითაც არ მეპარება ეჭვი, რომ ამას გააკეთებს, რადგან ეს არის მისი მშვიდობა, მისი შვილების, ოჯახების, შვილიშვილებისა და შვილთაშვილების მშვიდობა. ეს არის უდიდესი პატივი ყველა დაღუპულისა და ჩვენი წარსულისთვის“, – განაცხადა ფაშინიანმა․
პრემიერ-მინისტრმა ასევე აღნიშნა, რომ სომხეთსა და აზერბაიჯანს შორის მშვიდობა უკვე დამყარდა და ახლა საჭიროა ამ მდგომარეობის შენარჩუნება, გაძლიერება და ინსტიტუციონალიზაცია.
სომხეთმა და აზერბაიჯანმა 8 აგვისტოს ვაშინგტონში წინასწარ მოაწერეს ხელი სამშვიდობო შეთანხმებას.