სომხეთისა და მაროკოს საგარეო საქმეთა მინისტრებმა ორ ქვეყანას შორის ურთიერთობების განვითარების შესაძლებლობები განიხილეს

სომხეთის რესპუბლიკის საგარეო საქმეთა მინისტრმა არარატ მირზოიანმა შეხვედრა გამართა მაროკოს სამეფოს საგარეო საქმეთა, აფრიკულ თანამშრომლობასა და საზღვარგარეთ მყოფ მაროკოელებთან დაკავშირებულ საკითხებზე პასუხისმგებელ მინისტრ ნასერ ბურიტასთან.

„არმენპრესის“ ინფორმაციით, სომხეთის რესპუბლიკის საგარეო საქმეთა სამინისტროში განაცხადეს, რომ მინისტრებმა განიხილეს სომხეთსა და მაროკოს შორის ურთიერთობების განვითარების შესაძლებლობები როგორც მრავალმხრივ პლატფორმებზე თანამშრომლობის, ისე ორმხრივი ვიზიტების მეშვეობით.