სომხეთის რესპუბლიკის პრემიერ-მინისტრმა და საქართველოს თავდაცვის მინისტრმა რეგიონში უსაფრთხოებისა და სტაბილურობის უზრუნველყოფის საკითხები განიხილეს

პრემიერ-მინისტრმა ნიკოლ ფაშინიანმა მიიღო საქართველოს თავდაცვის მინისტრი ირაკლი ჩიქოვანი.

როგორც „არმენპრესს“ აცნობეს სომხეთის რესპუბლიკის პრემიერ-მინისტრის ადმინისტრაციიდან, ნიკოლ ფაშინიანმა ხაზი გაუსვა სომხეთსა და საქართველოს შორის თავდაცვისა და უსაფრთხოების სფეროში მჭიდრო თანამშრომლობისა და მისი თანმიმდევრული განვითარების მნიშვნელობას.

ირაკლი ჩიქოვანმა კმაყოფილებით აღნიშნა, რომ სომეხ კოლეგებთან აქვთ მაღალი დონის თანამშრომლობა და გამოთქვა რწმენა, რომ ის ეფექტიანად გაგრძელდება.

მოსაუბრეებმა განიხილეს რეგიონში უსაფრთხოებისა და სტაბილურობის უზრუნველყოფის საკითხებიც და ხაზი გაუსვეს ამ მიმართულებით აქტიური ერთობლივი ურთიერთობების საჭიროებას.