მალე აზერბაიჯანის ტერიტორიის გავლით სომხეთში შევა ყაზახური ხორბლის პირველი პარტია: სომხეთის რესპუბლიკის ეკონომიკის მინისტრი

მალე აქტაუ-ბაქოს მარშრუტით, შემდეგ კი აზერბაიჯანისა და საქართველოს რკინიგზის მეშვეობით სომხეთში შევა ყაზახური ხორბლის პირველი პარტია.

„არმენპრესის“ ინფორმაციით, ამის შესახებ „ფეისბუქის“ საკუთარ გვერდზე დაწერა სომხეთის რესპუბლიკის ეკონომიკის მინისტრმა გევორგ პაპოიანმა.

„მალე აქტაუ-ბაქოს მარშრუტით, შემდეგ კი აზერბაიჯანისა და საქართველოს რკინიგზის მეშვეობით სომხეთში შევა ყაზახური ხორბლის პირველი პარტია. მშვიდობა დამყარებულია“, – დაწერა პაპოიანმა.

ადრე აზერბაიჯანის პრეზიდენტმა ილჰამ ალიევმა განაცხადა, რომ აზერბაიჯანმა გააუქმა ყველა შეზღუდვა სომხეთის მიმართულებით ტვირთების ტრანზიტზე. „მსურს აღვნიშნო, რომ აზერბაიჯანმა გააუქმა ყველა შეზღუდვა სომხეთში ტვირთების ტრანზიტისთვის. ასეთი პირველი ტრანზიტი იყო ყაზახური ხორბლის გადაზიდვა სომხეთში. ვფიქრობ, ეს ასევე კარგი მაჩვენებელია იმისა, რომ აზერბაიჯანსა და სომხეთს შორის მშვიდობა უკვე აღარ არის მხოლოდ ქაღალდზე, არამედ აქვს პრაქტიკული გამოვლინებაც“, – განაცხადა ილჰამ ალიევმა ყაზახეთის პრეზიდენტ ყასიმ-ჟომარტ ტოკაევთან ერთობლივ პრესკონფერენციაზე.