2 წუთი კითხვის
სომხეთის რესპუბლიკამ და აშშ-მ ერთობლივი სამუშაოები განახორციელეს და აგრძელებენ TRIPP პროექტის (ტრამპის მარშრუტი საერთაშორისო მშვიდობისა და კეთილდღეობისთვის” განხორციელების მიმართულებით.
„არმენპრესის“ ცნობით, ამის შესახებ სომხეთის საგარეო საქმეთა მინისტრმა არარატ მირზოიანმა განაცხადა ეუთოს მოქმედ თავმჯდომარე, ფინეთის საგარეო საქმეთა მინისტრ ელინა ვალტონენისთან ერთობლივი პრესკონფერენციის დროს.
„რკინიგზის ის მონაკვეთი, რომელიც გავლას დაიწყებს სომხეთის სამხრეთით, ერქმევა TRIPP-ს, მას აქვს თავისი გარკვეული სახელწოდება და პრინციპები. ეს პრინციპებია ტერიტორიული მთლიანობა, საზღვრების შეუვალობა, სუვერენიტეტი, ქვეყნების კომპეტენცია ამ ინფრასტრუქტურების მიმართ და, რა თქმა უნდა, ურთიერთხელი. როდესაც გვექნება საბოლოო სრული კონცეფცია, ვაშუქებთ მათ. დეტალები ჯერ კიდევ უნდა დაზუსტდეს სომხეთსა და აშშ-ს შორის“, - განაცხადა მირზოიანმა.
არარატ მირზოიანმა ხაზგასმით აღნიშნა, რომ ამ ეტაპზე TRIPP-ის თაობაზე შეთანხმებულია ის, რაც საჯაროდ არის ცნობილი.
სომხეთის პრემიერ-მინისტრმა ნიკოლ ფაშინიანმა, აზერბაიჯანის პრეზიდენტმა ილჰამ ალიევმა და აშშ-ის პრეზიდენტმა დონალდ ტრამპმა 8 აგვისტოს ვაშინგტონში ხელი მოაწერეს დეკლარაციას, რომლის ერთ-ერთი პუნქტით სომხეთის რესპუბლიკა იმუშავებს აშშ-სთან და შეთანხმებული მესამე მხარეებთან „ტრამის მარშრუტი საერთაშორისო მშვიდობისა და განვითარებისათვის“ (TRIPP) პროექტის სომხეთის ტერიტორიაზე განხორციელების ფარგლების განსაზღვრის მიზნით.