სომხეთის რესპუბლიკის პრემიერ-მინისტრი აშშ-ში მონაწილეობას მიიღებს გაეროს გენერალური ასამბლეის 80-ე სესიის მუშაობაში

სომხეთის რესპუბლიკის პრემიერ-მინისტრი ნიკოლ ფაშინიანი 26-27 სექტემბერს სამუშაო ვიზიტით ამერიკის შეერთებულ შტატებს ეწვევა.

„არმენპრესის“ ინფორმაციით, ამის შესახებ პრემიერ-მინისტრის პრესმდივანმა ნაზელი ბაღდასარიანმა განაცხადა.

ნიუ-იორკში სომხეთის რესპუბლიკის პრემიერ-მინისტრი მონაწილეობას მიიღებს გაეროს გენერალური ასამბლეის 80-ე სესიის მუშაობაში და სიტყვით გამოვა სესიის მაღალი დონის დებატების ნაწილში.

ვიზიტის ფარგლებში დაგეგმილია ასევე პრემიერ-მინისტრ ფაშინიანის შეხვედრა გაეროს გენერალურ მდივან ანტონიო გუტერეშთან.