მშვიდობა საჭიროებს ყოველდღიურ ზრუნვას და ინსიტუციონალიზაციას։ ნიკოლ ფაშინიანი

სახელმწიფოს უსაფრთხოების გარანტი მშვიდობაა. „არმენპრესის“ ცნობით, „საერთო უსაფრთხოება და წინააღმდეგობა 2025“ საერთაშორისო კონფერენციაზე ამის შესახებ განაცხადა პრემიერ-მინისტრმა ნიკოლ ფაშინიანმა.

„არის კი უსაფრთხოების გარანტი? ჩემი აზრით, არის, და უსაფრთხოების გარანტი მშვიდობაა. მშვიდობის გარდა სხვა უსაფრთხოების გარანტია უბრალოდ არ არსებობს და ვერ არსებობს. გვაქვს დღეს მშვიდობა? კი, გვაქვს, მაგრამ ეს მშვიდობა საჭიროებს ყოველდღიურ ზრუნვას“, – აღნიშნა ფაშინიანმა.

მისი თქმით, მშვიდობა არ შეიძლება ჩაითვალოს მიღწეულ, უცვლელ რეალობად.

„მშვიდობა საჭიროებს ყოველდღიურ ზრუნვას და მით უფრო։ ინსიტუციონალიზაციას. დღეს ჩვენ მშვიდობა გვაქვს, გვაქვს მშვიდობის დეკლარაცია. როდესაც ვამბობ, რომ მშვიდობა საჭიროებს ინსიტუციონალიზაციას, პირველ რიგში, ვგულისხმობ მშვიდობის შეთანხმების ხელმოწერას და რატიფიკაციას. მაგრამ ამის შემდეგაც მშვიდობა საჭიროებს ინსიტუციონალიზაციას, რადგან როგორც შეთანხმების ტექსტშია მითითებული, საჭიროა კომისიების შექმნა გარემოს, ეკონომიკის, ჰუმანიტარული და სხვა საკითხების განხილვისთვის“, – აღნიშნა მან.

პრემიერ-მინისტრმა აღნიშნა, რომ სამშვიდობო პროცესის ნებისმიერი ეტაპის შემდეგ, ახალი პრობლემები წარმოიქმნება, რომელთა გადაჭრაც ინსტიტუციურ მიდგომას მოითხოვს.

„50 წლის განმავლობაში არსებულ მშვიდობასაც სჭირდება ინსიტუციონალიზაცია. თუ მშვიდობის ინსიტუციონალიზაციით არ იმუშავებ, მშვიდობა ინსიტუციონალიზირდება, ანუ განადგურდება.

გავიხსენებ გაზაფხულზე გაკეთებულ ჩემს განცხადებას, რომ სომხეთსა და აზერბაიჯანს შორის ომი არ იქნება, იქნება მშვიდობა, მინდა აღვნიშნო, რომ სომხეთსა და აზერბაიჯანს შორის უკვე მშვიდობაა“, – დაასრულა ფაშინიანმა.