ცნობილია, რა დოკუმენტებზე მოაწერეს ხელი სომხეთმა და აშშ-მ ფაშინიან-ტრამპის შეხვედრის შედეგად

სომხეთის რესპუბლიკის პრემიერ-მინისტრ ნიკოლ ფაშინიანისა და აშშ-ის პრეზიდენტ დონალდ ტრამპის შეხვედრის შედეგად სომხეთმა და ამერიკის შეერთებულმა შტატებმა ხელი მოაწერეს ურთიერთგაგების მემორანდუმებს პარტნიორობის შესახებ სამი მიმართულებით.

„არმენპრესის“ ინფორმაციით, ამის შესახებ „ფეისბუქის“ საკუთარ გვერდზე სომხეთის რესპუბლიკის პრემიერ-მინისტრის პრესმდივანმა ნაზელი ბაღდასარიანმა დაწერა.

„სტრატეგიული თანამშრომლობის გასაღრმავებლად სამ ძირითად სფეროში, სომხეთისა და ამერიკის შეერთებული შტატების მთავრობებმა მოაწერეს ხელი შემდეგ ურთიერთგაგების მემორანდუმებს:

• პარტნიორობა „მშვიდობის გზაჯვარედინის“ პროექტის შესაძლებლობების განვითარების სფეროში,
• ინოვაციური პარტნიორობა ხელოვნური ინტელექტისა და ნახევარგამტარების სფეროში,
• პარტნიორობა ენერგეტიკული უსაფრთხოების სფეროში“, – დაწერა ბაღდასარიანმა.